Megjithatë, interesimi i qytetarëve për pushimet verore ka rënë dukshëm dhe sipas kompetentëve vjen kjo si rezultat i krizës ekonomike, si dhe rritjes së çmimeve nëpër vendet turistike. Shqipëria mbetet destinacioni i parë i qytetarëve me Velipojën e Durrësin e pushimit familjar dhe Sarandën e rinisë duke mos mbetet pas as Ulqini me mbërmjet atraktive dhe kjo aq më tepër kur tash gjakovarët uthëtojnë drejt autostradës, duke ikur rrugës së vështirë nëpër Mal të Zi. Hit I sivjetëm padyshim se është zgjedhja më e re e kalimit të pushimit duke shkuar në Shqngjin, velipojë e durrës vetëm gjatë vikendeve. “Autostrada e re Morinë- Durrës na ka krijuar kushte të favorshme uthëtimi ndaj unë me familjen time po I shfrytëzojë” u shpreh bajrami. “Kjo më duket mënyra më atraktive e pushimit dhe kështu do të vazhdojë edhe më tutje” shton ai. Një pjesë e bashkëqytetarëve një pjesë të ditëve të vapës po I kalojnë nëpër pishina, disa bri Drinit dhe Erenikut , lumenjë këta që nga viti në vit po dëmtohen. Megjithatë, interesimi i gjakovarëve për pushimet verore ka rënë dukshëm dhe sipas kompetentëve kjo vjen si rezultat i krizës ekonomike, si dhe rritjes së çmimeve nëpër vendet turistike. Këtë e dëshmojnë vetë qytetarët, por edhe agjencitë turistike.”Ka rënie të madhe të intersimit për të uthëtuar në Durës apo Ulqin karshi vitit të kaluar” thotë Kadri Rrahmani nga Axhencia Turistike “Cali”. Qytetarë të anketuar, thonë se kriza ndikon që ata të mos mendojnë se ku do t’i kalojnë pushimet verore, ose të gjejnë ndonjë vend ku ka çmime më ekonomike. Kriza ekonomike “Nuk kam menduar se ku do t’i kalojë pushimet verore. Në fakt, kushtet nuk ma imponojnë një gjë të tillë. Vitin e kaluar isha në Durrës me familjen, ndërsa këtë vit mendoj se nuk do të shkojmë askund”, thotë Kujtimi I bindur se gjendja financiare në familje vitin tjetër do të përmirësohet. “Nëse kështu vazhdon, vështirë se do të mendojë për pushimet sepse nuk ta qet kurrqysh!!!” thotë ai. “Temperaturat e larta çdo ditë e më shumë po më nxisin të mendoj se ku do të pushojë për këtë verë. Sa po dola prej agjencisë turistike, u interesova për çmimet, mendoja të shkoja në Sarandë, por akoma s’kam vendosur”, ka thënë nga ana tjetër studentja e Filozofikut, Magbulja . Në Agjencinë turistike “Dreni”, dëshmojnë se këtë vit ka rënë mjaft interesimi i qytetarëve për pushimet verore. “Interesimi i një numri të vogël qytetarësh ka filluar që në muajin qershor, ku më të kërkuara janë Shqipëria, sepse ka çmime më të lira. Vitin e kaluar destinacion i dëshiruar ishte Turqia, pasi që çmimet ishin shumë më të lira, ndërsa sivjet çmimet janë ngritur.” ka thënë Flamur Fetahaj, pronar i AT “Dreni” I cili thotë se “pasagjerët tanë nuk kanë cka të ankohen në cmimet e transportit sepse ato janë minimale”. Ai kritikon konkurrencën jo të drejtë të disa kompanive që në vlug të sezonit turistik luajnë me cmime. Kur është fjala tek linjat e rregullta drejtë bregdetit nga Gjakova, sivjet kompanitë transportuese kanë shfrytzuar në maksimum oraret e përshtatëshme, falë funksionimit të autostradës Morinë- Durrës. Shumë nga këto axhenci mbajnë linjat e regullta Gjakovë- Durrës- Velipojë- Ulqin pastaj edhe në Sarandë ku sivjet ka pasur një dyndje më të madhe të rinisë gjakovare. Velipoja e Durrësi edhe sivjet e preferuar Që nga fillimi I qershorit, pushuesit gjakovarë ia kanë mësyer Velipojës. Ai është vendi më I preferuar I shumë familjeve gjakovare. Aty gjendet uji I pastër dhe rëra karaketeristike, ndërsa mbi të gjitha cmimet më të kapshme për xhepin e familjeve me buxhet mesatar. Pemët dhe perimet e freskëta që treghtohen në tregun e Velipojës e lakmojnë pushuesit nga Gjakova. Mirëpo nga një korriku edhe këtu pushuesit janë ankuar se kishin filluar të ngriten cmimet. Ulqini Ulqinakët e konsiderojnë autostradën si një mundësi të mirë për ta vizituar Ulqinin. Edhe vet kryetari I komunës së Ulqinit Gëzim Hajdinaga, thekson se kjo është një arritje e madhe. Ai thekson se gjysma e pushuesve janë kosovarë, ndërsa kapacitetet pushuese janë deri në 140 mijë shterët me cmime të njejta sikurse në vitin e kaluar. Një bashkëvendas yni që ka investuar në plazhin e madh të Ulqinit “Toni Grill” flet për një sezon të sukseshme turistike. Ai është fitues I flamurit të kaltër që dëshmon për standardet ndërkombëtare të ofrimit të kushteve për pushuesit. Vet autori I këtyre reshtave ka përjetuar kënaqësinë që sjellë uthëtimi nga Ulqini në Gjakovë përmes pikës kufitare Muriqan, ku I nënshtrohet vetëm një kontrolli të përbashkët të doganierëve të Shqipërisë dhe Malit të Zi dhe ku mundë të kalohet kufiri vetëm me letërnjohtimin e republikës së Kosovës dhe asesi me atë të UNMIK-ut. Një rrugë e tillë dhe mundësi që për një ditë të përshkohet dhe përjetohet bregdeti I Ulqinit dhe ai, ta zëmi I Shëngjinit apo Velipojës ka qenë një ëndërr e shumë brezave. Uthëtimi nga Ulqini e bënë të mundshëm një pushim të këndshëm për kafe në Shkodër dhe për një udhëtim të lehtë nëpër autostradë. Drini dhe Ereniku “E mbajë mend rininë e brezit tim që krenohej me pushimet verore në Gjakovë, falë dy lumenjve, Drinit dhe Erenikut ku kalonim dy muaj të plotë në rërën dhe ujin e pastër. Ndërsa sot krejt ndryshe. Ka mbet vetëm nostalgjija” thotë i anketuari parë Fuati, duke kujtuar se” dikur krenoheshim në Kosovë, se nuk e ndjejmë vapën falë këtyre lumenjve, ndërsa tash vapa po na përvëlon”. Në fakt edhe këtë verë bri këtyre lumenjve, të strukur nën hijen e drunjve, shifen qindra bashkëqyatatër tanë që kalojnë një pjesë të ditëve të kësaj vere. Ata që adhurojnë diellin ekspozohen pa “frikë” nën rrezet e diellit dhe ujit të paktë të hapësirave të improvizuara kush si mundet. Shumë familje me veturat e veta kërkojnë vendet më të pastërta sa më larg burimit të Erenikut, e poashtu edhe në brigjet e Drinit të bardhë. Përgatitja e ushqimit, skarat me vete dhe shalqini janë pjesa e pandarë e këtyre pushuesve që shumë ankohen për pastërtinë e ujit dhe mungesën e rërës. “Pse nuk ndërtohet ndonjë bazen i madh” pyet Ismajli, një pensionist dhe adhurues i natyrës që Erenikun e frekuenton që nga fundi i prillit. Flamuri një peshkatar veteran thotë se Drinit “I doli boja” qyshkur filloi të ndotet uji nga shfrytëzuesit e rërës. “Edhe peshqit vështirë të shumëzohen në të tilla kushte të papastërtisë, e lëne më njerëzit të lahen” thotë ai I pezmatuar me këtë gjendje duke numëruar dhjetëra qendra të seperacionit të rerës nëpër brigjet e Drinit. Në anën tjtër Flamuri tërheq vërejtjen për shkallën e ulët të vetëdijes së disa pushuesve që lënë prapa mbeturinat dhe sakatosin vendet tona atraktive. “Nuk e dij sa e vështirë iu duket njerëzve që mbeturinat ti fusin në një qese dhe ti hedhin nëpër kontejner, por I lënë hapur nëpër fusha…” Liqeni i Radoniqit Një nga pasuritë më të mëdha që ka Gjakova është Liqeni I Radoniqit. Uji Liqenit shuan etjen jo vetëm të gjakovarëve, dhe për ta përdorë në mënyrë cilësore, ka disa vjet që është ndaluar larja dhe notimi. Përvoja kishte treguar se pushuesit ditor lënin prapa mbeturina të shumta, besa lanin edhe veturat me shampoo, që rrezikonin pastërtinë e ujit të pijes. Kështu edhe këtë verë vetëm peshkatart kanë mundësi ta përjetojnë kënqaësinë e valëve të liqenit. Për ata që ia dinë “lezetin” soditjes së detit mëngjeseve dhe mbrëmjeve, këtë do të mund ta shijonin disa kilometra larg qendrës së qytetit po të kishim një Qendër rekreative e sportive diku buzë liqenit të Radonqit. Një qendër e tillë me kompleks hotelesh, terrene sportive e tj do ta bënëin atraktive këtë vend jo vetëm verës por gjatë gjithë vitit. Pishinat Në anën tjetër pishinat e Gjakovës kanë pasur mjaft punë, posaqëisht gjatë ditëve kur emperaturat e ajrit arrinin edhe deri në 38 gradë celciuz. Pothuajse të gjitha pishinat ishin të stëmbushura me pushues ditor. Kuptohet më të frekuentuarat ishin ato që ofrojnë kushte të favorshme, ujin dhe hapësirat e pastra bashkë me organizimin brenda pishinave. Shumë familje gjakovare me kohë kanë zgjidhur dilemat se ku do t’i kalojnë pushimet verore. Kriza ekonomike i ka detyruar ata që vapën e verës ta shuajnë në ndonjërën nga pishinat e shumta . “Mundësitë tona janë më të pakta për të shkuar në det, kështu që kemi vendosur që pushimet verore ti kalojmë këtu”, tha Hasani një qytetar I Gjakovës. “Këtu është shumë lirë dhe shumë mirë, pastërti ka, çka të duash ka”, shtoi një tjetër pushues. “Pishinat janë shumë të volitshme për këto kushtet e popullatës tonë, shkaku i çmimeve të pushimeve verore nëpër bregdete janë pak më të shtrenjta e këtu janë më të volithsme”, theksoi një qytetar tjetër. Megjithatë sipas agjencive tursitike nuk është i vogël numri iatyre që preferojnë që pushimet t’i kalojnë kryesisht në brengdetin shqiptar për shkak të afërsisë por edhe çmimeve të volitshme. “Mund të ju them kërkesa është në nivel për bregdetin shqiptarë në radhë të parë pastaj bregdeti turk. Durrësi ka kapacitet të mjaftueshëm dhe çmimet janë më të arsyeshme mundë të themi dhe gjithashtu për qytetarët e Gjakovës është më i kapshëm për shkak se rruga është shumë e mirë dhe është më afër”, thskoi Armend Gjoshi nga AT ‘Armend Turs”. Drejtuesit e agjencive turistike thonë se vendet e shtrenjta më së shumti preferohen nga mërgimtarët të cilët kryesisht pëlqejnë që pushimet t’i kalojnë në Ulqin dhe durrës e pastaj tëkthejnë në vendlindje. Shkugëza Tash mundë të krenohemi si qytet që e kemi një vend atraktiv të pushimit ditor. Aty ka vend për pushim ditor, për ecje e rekreacion në mëngjes e mbrëmje, por nuk duhet të ketë vend hedhja e mbeturinave nga pushuesit që shfrytëzojnë ajrin e pastër dhe nayrën fantastike të Shkugëzes. Masari, një vizitor I përditshëm I shtigjeve të Shkugëzes, tha se kishte dëgjuar nga një mjek specialistë se, Shkugëza është vend interesant ku domiojnë tri rrymime të ajrit të pastër që rrallë kund gjenden dhe që janë të mirësearshura për shëndetin tonë. Edhe Shkugëza këtë verë është mjaft e vizituar. Bukuria e rrallë që ofron ky vend atraktiv I mbushur me pisha e drunjë të lartë mbesin pikë takimi I shumë gjakovarëve të cilët krahas rekreacionit dhe shetisë, përmes pikave hoteljere ofron një këndë pushimi për një kafe, cajë apo ushqim tradicional. Nga ora 5 e mëngjesit nga qyteti shef kolona qyetarësh që ia mësyejnë këtij vendi duke bërë disa kilometra ecje, vrapim dhe njëkohësisht pushim.Po iu erdhi kush mysafir nga Përendimi, një kafe në Shgugëz do të jetë një ngjarje e këndshme për të. Në top-pesëshin e vendeve më të kërkuara për pushime verore edhe më tej mbeten edhe Turqia e cila josh turistët me oferta atraktive. Kudo në botë edhe këtë verë gjen gjakovarë.(Zeki Vehapi)

Vendimin e Gjykatës Ndërkombëtare të Drejtësisë për ligjshmërinë e pavarësisë së Kosovës

Gjakovarët ,  vendimin e Gjykatës Ndërkombëtare të Drejtësisë për ligjshmërinë e pavarësisë së Kosovës e kanë mirëpritur të entuziazmuar. Kjo është parë në fytyrat e të gjithëve më 22 korrik 2010, pas orës 16.00 kur kjo Gjykatë dha mendimin e vet. Sipas qytetarëve,  ky vendim në mënyrë eksplicite rikonfirmoi fuqishëm se shpallja e pavarësisë së Kosovës ka qenë në përputhje të plotë me të drejtën ndërkombëtare dhe të drejtën e popullit të Kosovës për liri e vetëvendosje.
Sipas vlerësimit të shumicës së të anketuarve , 22 korriku  paraqet  një datë historike për Kosovën dhe për gjithë shqiptaret kudo që jetojnë. Kërkuam opinionin në dy pyetje tona: Si e pritet vendimin e GJND-së dhe çka pritni nga zhvillimet e ardhshme në Kosovë?

Akademik Esat Stavileci:

Vendimi i GJND-së  “lindje e dytë” e Kosovës.

Vendimi i Gjykatës Ndërkombëtare të Drejtësisë  ishte, të thuash, “lindje e dytë” e Kosovës. Nga të gjitha variantet e mendimit të GJND-së, nuk prisja vetëm njërin që do të mund të ishte më i dëmshmi për Kosovën: që GJND të deklarohej se shpallja e pavarësisë së Kosovës ishte në kundërshtim me të drejtën ndërkombëtare. Çdo variant tjetër do të kishte  qenë më lehtësues për pavarësinë e saj, por GJND u përcaktua për variantin më të mirë të mundshëm të mendimit të vet me të cilin jo vetëm që konfirmoi ligjshmërinë e pavarësisë së Kosovës, por e goditi përfundimisht Serbinë në përpjekjet për të kontestuar aktin e shpalljes së shtetit të Kosovës. Prandaj, mendimi i GJND-së nuk mund të përjetohet ndryshe veçse si  mbyllje e procedurë juridike dhe fjalë e fundit në lidhje me ligjshmërinë e pavarësisë së Kosovës. Mund vetëm të merret me mend se çfarë dëmesh do të mund të pësonte e ardhmja e Kosovës po të kishte qenë një mendim ndryshe me këtë i GJND.

Do të ndalem më shumë në pjesën e dytë të pyetjes suaj. Edhe pse asnjëherë nuk dihet me saktësi se çfarë mund të sjellë e ardhmja, tashmë në horizont duket më e qartë perspektiva europiane e Kosovës, pavarësisht se Serbia do të vazhdojë përpjekjet për ta vështirësuar dhe ngadalësuar atë.

Së pari, duhet të pritet, ndonëse jo i menjëhershëm, një bashkim i Unionit  Evropian rreth pavarësisë së Kosovës që, ndër të tjera, do të kërkojë që ai përfundimisht të pushojë së qeni “neutral karshi pavarësisë së Kosovës”. Së dyti, duhet të pritet, një rritje, ndonëse jo e menjëhershme, e vendeve që do ta njohin pavarësinë e Kosovës.

Por, për mua me shumë rëndësi do të jenë zhvillimet e brendshme në Kosovë.

Mund t’i bëja dy sugjerime institucioneve të Kosovës.

E para, që të mos i kaplojë euforia e 22 korrikut 2010 dhe mendimi i pahamendësishëm i GJND rreth ligjshmërisë së pavarësisë.

E dyta, që mendimi i GJND të mos u shërbejë si “mbulesë” për të fshehur dobësitë e tyre.

Jam shumë dakord me pohimet se “nuk ka kthim prapa”, por jam shumë më i preokupuar ”se si të ecet përpara”, kur ka shumë për t’u bërë. Njohjet nga shtetet e të tjera do “të vijnë”, por ato nuk do të paraqesin të vetmin “ilaç për të ecur përpara”. Kosova do të ndiej nevojën që të bëhet një shtet funksional, me MË SHUME PAVARESI, E ME MË PAK MBIKEQYRJE”. Ajo do të mund të bëhej një shtet funksional vetëm me kusht që të shtrijë autoritetin (pushtetin, ligjin dhe kontrollin) në gjithë territorin e saj, me qëllim që të ruajë integritetin e tij. Ajo do të mund të bëhej një shtet funksional nëse krijon shtetin e së drejtës, në mënyrë që të mos e kërcënojë “shteti i së padrejtës”. Ajo do të mund të bëhej një shtet funksional nëse përfundimisht i kthehet “detyrave të shtëpisë”, duke e ripërtëritur ekonominë dhe ngritur shkallën e mirëqenies së qytetarëve të vet, nëse nuk dëshiron që të goditet “për së brendshmi”.

Përfundimisht, Kosova do të ndiej nevojën për një qeverisje prej njerëzve, jo vetëm që “marrin për vete prej politikës”, por që asaj i japin ide për ta shpënë vendin aty ku i janë hapur dyert. Prandaj, nuk duhet t’u lihen në duar çelësat atyre që nuk mund t’i hapin ato dyer.

Institucionet e Kosovës në mënyrë të veçantë duhen të kujdesen që “të mos bien në gracka” për të zhvilluar bisedime që, qoftë edhe tërthorazi, prekin në statusin tashmë të verifikuar të saj.

Prof. Ruzhdi SEFA, dr.sci

Të shtyhen proceset përpara

Sigurisht se 22 korriku  ka qenë një Ditë e Madhe  për të gjithë shqiptarët dhe për të tjerët që na e duan të mirën. Përkrahja ndërkombëtare edhe një herë u dëshmua sikurse edhe në shumë rastet paraprake

E rëndësishme është që ne, vet kosovaret, më mirë, më fort dhe më bindshëm  ta dëshmojmë se mundemi me punu sinqerisht dhe se e meritojmë këtë mbështetje të botes së përparuar. Këtë përkrahje duhet me e vlerësuar ngase të tjerët presin nga ne të dëshmohemi si një komb shtetformues dhe shtet-mbajtës, shtet-vlerësues :pra  të dimë ta ruajmë dhe ta avancojmë këtë të arritur në të cilin është investuar aq shumë dhe aq gjatë, nga shumë gjenerata. Hepërhe nuk është kështu dhe ka aq shumë për tu dëshirua: ne kemi aq shumë probleme në Kosovë dhe për fat të keq lidershipi yni nuk po tregohet i aftë për të shtyer proceset  përpara, për të qenë në nivel të përgjegjësive.  Planifikimet afatshkurtra dhe vendosja në plan të parë  të interesave individuale është ajo që po e dëmton shumë Kosovën dhe popullin kosovar. Le të shpresojmë (dhe jo vetëm kaq por edhe të punojmë e angazhohemi ) që  gjërat do të ndryshojnë për të mirë dhe se njerëz të mençur e të sinqertë, të drejtë e të merituar, të vyeshëm e të vullnetit të mirë   do të vinë në shprehje që  nga të mirat e tyre të përfitojë sa më shumë  populli yni.

Dr.Besnik Bardhi

Hapen portat diplomatike për Kosovën

Verdikti i Gjykatës Ndërkombëtare të Drejtësisë ne Hage ishte  një surprizë ekstreme për dy akteret, si për Prishtinën ashtu dhe për Beogradin.

Serbia ishte ajo e cila insistoj te Asambleja e përgjithshme e OKB-se për të kërkuar opinion këshillëdhënës nga GJND dhe ligjshmërinë e pavarësisë  së Kosovës. Rezultati 10:4 ishte  një “shok” i vërtetë për opinionin serb dhe pro serb.  Ministri i jashtëm serb Jeremiq dhe  presidenti Tadiq gjatë tërë kohës ishin shumë të vendosur në deklaratat e tyre ku shprehnin optimizmin për rezultat ne favor të Serbisë. Ata besuan shumë në gënjeshtrat të cilat ishin sajuar në kuzhinat famëkeqe  antishqiptare si në Beograd ashtu dhe tek aleatet e tyre.

Atë që kërkuan ata nga GJND nuk e gjeten, mirëpo kjo punë  më nuk kthehet pas !  Serbia, që moti është demaskua  nga opinioni ndërkombëtar si agresore dhe fajtore  kryesore për  gjakderdhjen e madhe të shkaktuar në ish Jugosllavi në vitet e ’90 –ta. Gënjeshtrat e Jeremiq iu kthyen boomerang vetë Serbisë.

Pikërisht këtij njeriu i dedikohet kjo “dhuratë e jashtëzakonshme” që i bëri befasi Kosovës  për pavarësinë e saj.

Si gjithnjë, Prishtina ishte në droje të mundësisë se plojave të cilat janë bërë shumë shpesh në kurrizin e shqiptarëve. Kur Kryetari i  Panelit të Gjyqtarëve Ndërkombëtar, e komunikoj  para medieve  botërore mendimin këshillëdhënës të GJND-së, i tere populli shqiptar në ato çaste ndihej i relaksuar dhe me lot ne sy priti vendimin e GJND-se, këta ishin lotët e gëzimit dhe besimit të rikthyer të tyre ! Kosova shpalli pavarësinë pa thyer asnjë ligj ndërkombëtar. GjND vulosi ne mënyrë shume dinjitoze fatin e shqiptarëve të shumë vuajtur nga okupatorë të ndryshëm.

Portat diplomatike për Kosovën, pas dhënies se verdiktit te GJND –se,  janë te gatshme për tu hapur , duhet vetëm të trokitet ne to ! Lufta politike e Kosovës si duket përfundoj me sukses ne Hage.

Fjolla B. Gërqina- studente

Për një shtet të fuqishëm
Vendimi i GJND-se për legalitetin e pavarësisë së Kosovës e kam mirëpritur. Isha shumë optimiste sepse Kosova tash dy vite ecën e pavarur dhe pavarësia e saj veç se është konsideruar legale nga 69 shtete në mbare botën. Kur kryetari i GJND-se Hisasi Oëada tha fjalët: “Shpallja e pavarësisë së Kosovës nuk e ka shkelur të drejtën ndërkombëtare” – ishte emocion i veçante sepse sado qe ishim te bindur qe duhej te jete kështu – druheshim se mos do të na tradhtojnë përsëri Kombet e Bashkuara.

Pasi u vërtetua që Shpallja e pavarësisë se Kosovës nuk e ka shkelur te drejtën ndërkombëtare, pres njohje te reja për Kosovën dhe përshpejtim te hyrjes e saj ne OKB, por do te doja shume të jetë edhe një tjetër faktor që do të zbuste prezencën e varfërisë dhe korrupsionit në vendin tonë.

Në grunajat e Gjakovës përfundoj korrja e grurit

Pas më pak se një muaj  të punës intensive të rreth 65 autokombajnave, në arat e komunës së Gjakovës përfundoi fushata e korrje shirjeve të drithërave të bardha, të shtrira në afro pesë mijë hektarë me grurë,  duke arritur  rendimente mesatare prej 3.500 deri në 3.800 kilogram për një hektarë.

Para fushatës, fermerët kishin planifikuar rendimente shumë  më të larta për faktin se prodhimi I grurit ishte ndjekur nga kushte të volitshme klimatike, mirëpo  para korrjeve, breshëri dhe era e fuqishme e kishte dëmtuar tej mase.

“Këto rendimente do të ishin më të larta, po të mos dëmtoheshin  nga breshëri, era dhe shiu i rrëmbyeshëm që mbretërojë disa ditë para fillimit të fushatës së korrjeve” tha  drejtori I Bujqësisë në Kuvendin Komunal të Gjakovës Ismet isufi duke theksuar se rendimentet këtë vit janë më të ulta për 10 % përball planifikimit.

Ai shtoi se në këtë fushatë kombajnerët kanë qenë të subvencionuar me çmime më të ulëta të derivateve të naftës.

Ai  ka thënë se në këtë fushatë ishin përfshirë 65 autokombajna që punuan me orar të zgjatur për të korrë mbi 5 mijë e 600 hektarë(h) me grurë, pastaj  me thekër,  elb birre dhe  me Trikal. Drejtoria e Bujqësisë e KK të Gjakovës, në kuadër të përkrahjes për zhvillimin e bujqësisë, dhe shtimit te sipërfaqeve me grurë, përmes shoqatave të familjeve të dëshmorëve, invalidëve të luftës dhe të familjeve të të zhdukurve, u kishte ndarë  300 familjeve në nevojë, farë dhe plehra për të mbjellë nga një gjysme hektari me grurë.

Kryetari komunës me fermerët dhe autokombajnerët

Në kompleksin e Rezinave të Gjakovës, ku janë të shtrira sipërfaqe të mëdha të grunajave, në mënyrë solemne u shënua fillimi i fushatës së korrje shirjeve të drithërave të bardha në komunën e Gjakovës ku pos, fermerëve, autokombajnerëve dhe grumbulluesve të grurit, morën pjesë edhe zyrtarët komunal, ndërsa fermeri Mustafë Alija që nga 544 hektarë të mbjellë me grurë, vetëm 100 hektarë I kanë shpëtuar pa u dëmtuar, ka kërkuar ti kompensohet dëmi.

Fermeri  Alija,  që disa vjet ishte shpallur ndër fermerët më të suksesshëm në prodhimtarinë e grurit në komunën e Gjakovës sivjet prêt bereqet më të ulët për 60 % për shkak të breshrit që përfshiu edhe grunajat e tij duke shtrirë për toke grurin.

“Vetëm nja 100 hektarë grurë më kanë mbetur të pa dëmtuara dhe prej tyre pres rendiment të ulët deri në 2 mijë e 500 kilogram për hektarë. Më ka shkuar kot mundi i krejt vitit por po pres që ky dëm në një masë të më kompensohet” tha Alija.

Kryetari komunës Pal Lekaj, pasi solemnisht  ka korrur duajt e parë të grurit në arat e Rezinës,  me këtë rast duke iu uruar fushatë të mbarë të grumbullimit të bukës së re, u premtoi fermerëve se komuna do të jetë në përkrahje të vazhdueshme, bazuar në faktin se zhvillimi i bujqësisë paraqet një mundësi të fuqishme për zhvillimin ekonomik.

“ Komisionet vlerësuese kanë dalë në teren dhe kanë mbledh të dhënat për dëmet. Po shikojmë të gjitha mundësitë që t’ ju kompensojmë dëmet e shkaktuara nga breshëri ndërsa  komuna është e mobilizuar  në të gjitha aspektet për ta kryer me kohë fushatën e korrje shirjeve dhe  për përcjelljen e kësaj fushate  është formuar shtabi komunal i cili punon pa ndërprerë” tha Lekaj.

Ndryshe, këtë verë në komunën e Gjakovës  u korren rreth 5 mijë e 600 hektarë me drithëra të bardha, ndërsa kjo fushatë konsiderohet të jetë mjaftë e rëndësishme sepse ka të bëjë me grumbullimin e bukës së re.

Kryeministri
Berisha nuk ka lënë pa potencuar edhe angazhimin e tij
për çështjen çame, që ka kujtuar se “në çdo takim me
autoritetet greke e potencon me kërkesa për zgjidhje.

Për
të arriturat e qeverisë së tij, në kuadër të reformave
dhe ndryshimeve thelbësore në Shqipëri, kryeministri
Berisha ka veçuar hyrjen në NATO dhe aplikimin për
kandidat në BE, që në kontest të ndryshimeve të
Shqipërisë dhe shtegtimin e saj drejt perëndimit ka
kujtuar edhe sistemin e kaluar që për Shqipërinë kishte
imazh të keq në botë.

“Hyrja në NATO dhe aplikimi në BE janë historike, janë
kthesa që e bëjnë këtë komb të jetë aty ku e ka patur
vendin. Por, kujtojmë se më parë ishim në një regjim të
egër komunist, regjim që pati krijuar robërinë dhe
varfërinë e tejskashme, veçanërisht në verilindje.
Ai regjim për shqiptarët ishte regjim fatal dhe imazh i
keq politik” është shprehur kryeministri Sali Berisha
për të arriturat dhe objektivat e shtetit që qeveri dhe
si arritje kombë tare dhe ekonomike ka potencuar edhe
rrugën Durrës-Kukës dhe tendencat për bllokimin e
ndërtimit të saj por njëkohësisht ka folur edhe për
projektet në ndërtim dhe ato që presin të realizohen në
mandatin e dytë rradhazi qeverisës.
“Përkundër disa tendencave në vend por edhe ato
ndërkombëtare me arsyemshmëi të ndryshme për
mosndërtimin e rrugës Durrës- Kukës, ku ndër
arsyeshmëritë e tendenciozëve ka qenë dobësimi i porteve
të rajonit, ne megjithatë tani po e përfundojmë
rrugën!Dhe, do vazhdojmë me projekte të tjera të
rëndësishme ku do e bëjmë edhe rrugën e Arbërit që për
njëqind kilometra lidh Tiranën me Shkupin, ku së shpejti
do të fillohet me segmente për të arritur tek segmenti i
tretë nga fundi i vitit, e poashtu do e ndërtojmë edhe
rrugën Adriatik-Alpe, që lidh Kosovën, në veçanti atë
perë ndimore me portin e Shëngjinit” ka thënë
kryeministri Berisha që poashtu ka potencuar edhe
zhvillimin energjetik në Shqipëri që si një shtet që
ishte me probleme të mëdha do bëhet shtet eksportues.

Kryeministri Berisha është shprehur për domosdoshmërinë
e bashkëpinimit të Shqipërisë me Kosvën, sidomos,siç u
shpreh ai, është jashtëzakonisht i rëndësishëm
bashkëpunimi i përbashkët, në mënyrë të veçantë në
fushën akademike, në atë të arsimit edukimit dhe
kulturës.
Akademik Pajazit Nushi ka uruar për të arrirat e
qeverisë së kryeministrit sali Berisha, siç janë në
veçanti pranimi në NATO dhe kandidimi për anëtarë të BE-së
si dhe rruga Durrës-Kukës, që siç tha akademiku Pajzit
Nushi, “keto janë vepra me domethënie kombëtare e
qeverisë suaj”.Vijon
në revistë

Nxënësit e shkollave fillore shtetërore mësonin nga librat, të cilët ishin të shkruar në gjuhën turqishte, të pakuptueshme për nxënësit gjakovarë, të cilët flisnin vetëm shqip në shtëpitë e tyre.

Prandaj, mësuesit e tyre, që ishin, kryesisht gjakovarë, ua përkthenin këto tekste fshehurazi në gjuhën amtare, ndonëse shkrimi dhe leximi në gjuhën shqipe ishte rreptësisht i ndaluar. Këtë mund ta bënin për arsye se ndikimi i autoriteteve qeveritare osmane ishte shumë i dobët në Gjakovë. Shpjegimi i mësimit dhe bisedat në klasë zhvilloheshin lirisht në gjuhën shqipe.

Intelektualët shqiptarë nga Gjakova, të shkolluar në qëndrat më të rëndësishme arsimore të Perandorisë Osmane, patën një rol të veçantë në hapjen e shkollave në gjuhën shqipe gjatë Lëvizjes Kombëtare Shqiptare.
Një rol të rëndësishëm në pasurimin e traditës arsimore në trevën e Gjakovës dhe më gjërë pati edhe hapja e shkollave fetare, në fillim e mejtepeve dhe, më vonë, e medreseve.
Medreseja e Madhe, një qendër e rëndësishme arsimimi dhe edukimi në frymën fetare dhe kombëtare, në të cilën vijuan mësimet me mijëra të rinj nga të gjitha trevat e Rrafshit të Dukagjinit, të Malësisë, të Hasit etj. u themelua qysh më 1707 nga alimi dhe bëmirësi i madh Murat beu, i biri i Adem pashës, i cili kishte shërbyer si mytesarrif në sanxhaqet e Ohrit, të Elbasanit dhe të Shkodrës.
Kjo shkollë punonte sipas programit të Fakultetit Teologjik “Fatih” të Stambollit.34 Kishte një konvikt të madh dhe një bibliotekë të pasur35. Nxënësit e kësaj medreseje i vazhdonin shkollat e larta në Stamboll dhe në Aleksandri.
Nga mësimdhënësit më të njohur të Medresesë së Madhe ishin Ali efendi Pera nga Gjakova, i njohur si myderriz i aftë dhe i arsimuar, pastaj Hasan efenedi Shllaku, profesor fakulteti në Stamboll, i cili, për arsye familiare, u kthye në Gjakovë, Ali efendi Fikriu nga Gjakova, gjithashtu, profesor në Fakultetin Teologjik “Fatih”. Shquheshin edhe Vejsel efendiu, Jahja efendiu etj.
Nga nxënësit më të shquar duhet të përmendim Tahir efendi Llukën, profesor në Fakkultetin Teologjik “Fatih” të Stambollit,Teufik Nahin, profesor universiteti në Kajro, Haxhi Zekën, veprimtar i shquar i Lëvizjës Kombëtare Shqiptare etj.
Arsimtarë dhe nxënës të Medresesë së Madhe u dalluan për ndihmesën që dhanë në Lëvizjën Kombë
tare Shqiptare si Ismail efendiu, Ali efendiu dhe Hasan efendiu, bashkëpunëtorë të ngushtë të Sylejman Vokshit gjatë Lidhjës Shqiptare të Prizrenit dhe mxënësi i përmendur i kësaj medreseje Haxhi Zeka, themelues i Lidhjës së Pejës.

Medreseja e Madhe nuk arriti t’i plotësojë të gjitha nevojat e popullsisë së etshme të Gjakovës për dituri fetare dhe për edukatë atdhetare.
Prandaj, Tahir efendi Boshnjaku themeloi, rreth viteve 1815-1816, Medresenë e Vogël, e cila e mori këtë emër vetëm pse u themelua më vonë se e Madhja, ndërsa për kah rëndësia, për kah hapësira apo për kah numri i nxënësve nuk ishte më e vogël se e para. Për shkak të famës që fitoi, këtë medrese e ndiqnin edhe nxënës nga rajonet e Sanxhakut të Jeni Pazarit, të Toplicës, të Plavës dhe të Bosnjes.
Si myderrizë të njohur nga kjo medrese shquheshin, pos themeluesit të saj, Tahir efendiut, Fetah efendi Buza, Emin efendi Hoxha, Isuf efendi Çarkaxhija etj.
Duhet të nënvizojmë, me ketë rast, se në këto medrese mësimet zhvilloheshin në gjuhën shqipe, ndonëse literatura që përdorej ishte në gjuhën arabe apo osmane. Sipas J. Rexhepagiqit “disa nga mualimët dhe myderrizët gjakovarë provuan të përkthejnë veprat nga gjuha arabishte dhe turqishte në shqipet e disa madje edhe shkruan libra në gjuhën shqipe, por duke përdorur alfabetin arab.” vijon në revistë